January 10, 2009

Jinghpaw Mungdaw Nhtoi hta Ningbaw Kaba Lanyaw Zawng Hra hte du salang hkringman ningbaw ning la ni hte rau sha

Jinghpaw Mungdaw Nhtoi Shawa hpawng hpe, Myitkyina Majoi Manau Wang kata kaw jahpawt 8:00 AM hta galaw ai. Zuphpawng Tingnyang Up kaw nna hpawng hpaw ai lam ndau nna, Wunpawng Htunghking Hpung Ginjaw ningbaw Slg. Mading Zung Ting kaw nna Jinghpaw Mungdaw Nhtoi mungga shaga ai.

Wunpawng Htunghking Hpung Ginjaw Ningbaw Slg. Mading Zaung Ting hpawng hpaw mungga shaga nga yang

Dai hpang Dingdung daw dap up daju Du Kaba Soe Win, hte Munghpawm Hkamja Ngangkang Lam hte Bawngring Hpung ginjaw amu madu, Jinghpaw Mungdaw lithkam, Tuthkai Lam, Tsadek hte Chyenan Hkringmang Dap hkringmang Du Kaba Thein Zaw yan mungga shaga ai.

Dingdung Daw Dapup Daju Du Kaba Soe Win mungga shaga nga yang

Tuthkai Zadek hte Chyenan Hkringmang Dap Hkringmang Du Kaba Thin Zaw

Mungga htawn tsun ngut ai hte 61 lang na Jinghpaw Mungdaw Nhtoi hpe shagrau masat ai hku nna gawngdang 61 hpe gap kapaw ai. Myitkyina Dakkasu JLH jawng num ni hte Jinghpaw mungdaw kata shanu nga ai amyu bawsang shagu shanglawm ai Jinghpaw Mungdaw Shagrau ai ka hkrang hpe ka manawt ma ai.
Hpawnghpaw lamang ngut ai hpang Wunpawng Htunghking Hpung Ginjaw ni woiawn ai hte Jinghpaw Mungdaw Ngwipyaw Simsa lam hte Bawngring lam ningbaw, dingdung daw dap up daju Du kaba Soe Win hpe ningshawng dat lat hkringmang du salang ni, simsa lam lapran salang ni, htunghking hpung shagu na ningbaw ningla ni hte lit nga ai du salang ni hte dakkasu jawngma ni Mungdaw Nhtoi manau hpe nau ma ai.