March 24, 2009

Lashap Nawku Hpung gaw, grai lawan ai hku nna hpung masha law htam wa nga ai. KBC kaw nna gaw gap da ya ai nawku jawng hta n shu nshang rai mat wa sai majaw 2008 ning kaw nna Nawku hpung masha ni yawng myit hkrum ai hte Sutdu Latung Gam Seng woi awn ai gawgap komiti ni n hkring n sa shakut shaja gaw gap nga ma ai. KBC shang wang kata
na Ginwang nkau mi hpang de karum hpyi ai shaloi, alu hta na ahkang jaw ya ai hte, Buga Ginwang nkau mi alu hta shinggyin ya nga ai hpe mung hkap la lu ai re. Ndai nawku htingnu
nnan hpe 2009 ning March shata hta dingshawn shang lu na myit mada let shakut shaja gaw gap nga ma ai. Akyu hpyi ai hte mung ja gumhpraw alu hte mung myit dum shang lawm
marit ngu gasaw lajin dat ga ai law.
Kengtung Ginwang a Buga Hpung langai mi rai nna, KBC Ginwang Amu madu Rev. Sumlut Makedoni Wa Mung Grin Jat Sasana Ginra rai nga ai, Mung Bawk David kaw nna chye lu ai.