February 26, 2009

Laiza ngu ai mare gaw lamuga sumla hta lak lai ai mare langai mi rai nga ai. Lai wa sai shi ning ram hta shi a kum la gaw LI SU mare kasha shing n rai majan aten hta hpyen hprawng ni a gan shing byi shara, yu yak la na zawn re ai abut aye re ai mare kasha rai nga ai. Rai tim dai ni na aten hta myen mung tinng na hpaga la ni gaw Laiza ngu ai mying hpe n chye n mai ngu na ram tsun kajai nga ma sai,hpaga la ni a myit shang sha wa ai hpaga gin ra langai mi rai nga wa sai. Laiza mare hpe laiwa sai 2000 ning a shawng de du ai masha langai mi gaw dai ning 2009 ning hta bai du yu ai rai yang n matsing mat na ram galai shai wa ai hpe mu lu na rai nga ai, Dai
gaw kam shut shara n nga ai.
Mungkan a hpaga lam masa galai shai wa ai gaw Miwa gumsan mung dan hpe mung wa ahtu hkra ai a marang e shi hte htingbu mungdan ni rai nga ai kaw na Myen mungdan de mung gara hkra shangun nga ai, Dai ni na galu gaba nga sai mungdan ni a hpaga lam yan hpe tek jum ya nga ai hta Wan sau & Jak sau gat lawk gaw madung rai nga ai.Dai zawn re mabyin ni gaw Myen mung hte Miwa gumsan mung a gajarit lam maw kaw nga, nga ai Laiza mare hta mung wa ahpawt hkra nga ai. N dai mare kasha gaw JP
mung daw kaw shanu nga ai mahsa wan mi ram a matu, baw sum hpa gaba rawt jat wa na matu magam bungli hta ra rawng ai kaw jai lang na matu Jak sau gaw hpaga rai madung rai nga ai. JP mung daw de shang wa ai jak sau law malawng gaw n dai laiza hku shang wa ai rai nga ai.Dai majaw, gawng kya ra rawng shangun ai lam ni nga ai zawn, hpaga bungli hta masan sa wa shangun ai lam ni mung nga ai gaw htung rai nga ai, hpa majaw nga yang thing bu mung dan wa hpe sha shamyet ai lam gawmyittsang shara rai nga ai.
Laiza na lani mi Jak sau jai langa ai hpe n tsa lam , maram yu yang , n dai mare kahsa hta leng 2, leng 3, leng 4, leng 6, leng 10-18,
lawm ai mawdaw ni shani shana gawt hkawm nga ai. Leng 3, gawt ai (Shadang Brang Awng tsun ai hpe madat yu ga, Leng 3,
masha htaw sengke gaw Miwa Ywan 7000 rai yang zep zi lu mari la lu ai, Jak sau manu zim yang gaw shata 10 ram gawt yang arang
bai ai nga ai ). Laiza e lani mi hta jak sau litter 15000 jan lang nga ai, dai kaw na 60% gaw Desel rai na 40% gaw datsi rai nga ai,Miwa sau hta hpan lahkawng nga ai dai gaw (Datsi) re, Yellow colour datsi gaw, lang ai ni tsun yang mawdaw, sengke hkan bang gawt yang garai gawt pyaw ai nga ai, Red colour datsi gaw lang yang nau n pyaw ai nga ma ai hte maren manu mung shai hkat nga ai. Laiza kaw Pipa (1) Desel rai yang 280000ks rai na, Datsi rai yang gaw Pipa (1) hta 270000ks rai nga ai. N dai manugaw myen mung shadang hku nga yang garai laja tim mari lang ai masha ni gaw shakut let mari lang nga ma ai. hpa majaw dai hpu la ai sau
hpe mari lang nga a ta nga ai gasan gaw, garai dam lada na n htum hkraw ai ga san rai nga ai. N dai Laiza wan sau, jak sau gat lawkgaw masha wanmi ram hpe galaw lu, galaw sha, galu gaba lam a matu teng sha ra ahkyak ai ngu laika hpe ka hpung dim dat ai law.