January 8, 2009

61 ninghpring Jinghpaw Mungdaw masat nhtoi hpaw hpang wa yang

61 lang na Jinghpaw Mungdaw Masat Manau poi kaba hpe January 8 ya jahpawt, 8:30 AM hta hpaw hpang sai.
Shawng ningnan Rev. Dagung David kaw nna hpawng hpaw akyu hpyi ya ai. Dai hpang 61 lang na Jinghpaw Mungdaw Masat Manau Poi Shabyin Shatai Komiti ningbaw Slg. Lamai Gum Ja hku nna hpawng hpaw mungga tsun ai. Rev. Dr. Lahtaw Saboi Jum akyu hpyi ya ai hte Myitkyina Majoi Manau wang hta 61 lang na Jinghpaw Mungdaw Masat Manau Poi kaba hpe hpaw hpang sai.

Jinghpaw Mungdaw masat nhtoi manau poi kaba hpaw hkyen nga yang

KIO Ningbaw Kaba Lanyaw Zawng Hra, Ma. Pa. Hka. Deputy Commander, Major General Tsan Htun, Wunpawng Htunghking Hpung Ginjaw Ningbaw Duwa Mading Zung Ting hte Manau Poi Shabyin Shatai Komiti Ningbaw Slg. Lamai Gumja ni lai sumpan rep nna manau hpe hpaw hpang sai.

Manau Hpaw Poi hta sa du shanglawm ai KIA Hpyen Hpung ni
Manau hpaw ai hte wanpan gap kapaw ngut jang, JLH jawngma ni hte amyu bawsang ramma ni hku nna Jinghpaw Mungdaw shakawn mahkawn ka hkrang hte ka manawt shagrau ai.

Manau Hpaw Poi hta sa du ai NDAK ni

Dai hpaw poi hta buga shara shagu na du sa ai shawa masha ni, htunghking hpung shagu na kasa ni hte wuhpung wuhpawng shagu kaw na kasa ni sadu shanglawm manau nau ma ai.

Hpaw Poi Manaun maka ka nga yang